就係咁嘅 , 年半前啱啱養Happy ,據說因為天生腳仔有缺憾 一直賣唔出 , 長期係雀店食瓜子為生 , 營養唔好 一返屋企時時呢隻小朋友輕漂漂得 92 g ,
underweight 不特只 , 係過冬天時 , 完全維持唔到自己嘅體溫 , 用晒亞加力籠又蓋fleece 都保唔到暖 ,
結果暖膽都要用都150w先叫做個身暖返少少 , 初時情况都幾令人擔心 , 初時首要嘅事就係由種子糧轉返做Harrison , 好彩個衰妹一放落去就自動自覺去食
, 好聽話 首先先講下種子糧同合成糧
好多人都認為食種子糧好易肥 , 合成糧就一定係最好 , 無錯係 , 種子糧的確熱量高 , 但好多人忽略了種子糧入面含有好多 vitamin and minerals 係合成糧無法添加 , 合成糧只係會加d 對雀仔身體比較重要 , 有用嘅vitamin , 會忽略比較無咁重要嘅vitamin , 但係咪代表其他無加落去嘅vitamin 唔重要呢 , 又唔係喎 , 咁所以 , 唔係叫你餐餐比 , 但適量地一星期 1 - 2 餐混落合成糧度餵其實對鸚鵡身體有好處 ,
可能有養狗嘅朋友仔都聽過vitamin k3 (Menadione) , 其實呢樣唔係一種vitamin , 係一種劣質工業用嘅防腐劑 , 係人類食物已經禁用 , 但係呢 , 生產商就因為平所以用係寵物食品上面 , 包括鸚鵡糧 , Menadione一旦進入身體裡面 就唔會被排出 , 長期累積係身體無人確實知道有咩side effect , 我幾乎上去check 晒所有大牌子鸚鵡糧 , 結果得harrison 係無添加Menadione , 其他都有添加呢種化學物
事實證明 , 其實合成糧又唔係大家講到咁好 (但請唔好誤會我唔係叫你地唔好餵 , 合成糧本身都有佢嘅好處 , 當係一個balance )
第三樣想講就係新鮮食物 , 眾人皆知新鮮食物無論對任何一種生物都係有好大嘅益處 , 所以我絕對建議你地餵食新鮮水果比你地嘅鸚鵡 , 前排dr Nicole 都講過橙色嘅水果會幫鸚鵡develop佢嘅immune system , 保持身體健康 , 所以大家都盡量比自己隻鸚鵡試下食多d橙色嘅水果 , 當中以哈密瓜vitamin A 含量最高
如果一種水果唔食唔緊要 , 試多幾種 , 總有一種佢鐘意嘅
至於我個人做法呢 , 我會一日分兩餐餵 , 早上我返學嘅時間就一餐溝 5 - 6 種食物
當中包括 Harrison high potency , life time , pepper favour , tropimix , oven fresh bites , 種子糧 蛋糧 , pretty bird , Roudy Bush
夜晚果餐餵新鮮水果 , 半個鐘收兜洗籠
有人可能話我痴線 , 但見到Happy呢個衰妹由當初身體差變到宜家開開心心 , 由92g 升返到 102 g , 足足 10g , 果種感覺真係好心足 , 同埋溝咁多糧 , 會比平時食得一種糧嘅時候食得更多 , 亦食得好開心 , 見到佢地開心我自然都好開心
沒有留言:
發佈留言